അമ്മാളു…..
വിഷ്ണുവിന്റെ ശബ്ദം കേട്ടതും അവൾ മുഖമുയർത്തി.
“വാടോ അകത്തേക്ക് ഇരിയ്ക്കാം “
അവൻ വിളിച്ചതും അമ്മാളു തല കുലുക്കി..
വിഷ്ണുവിന്റെ അരികിലായി അമ്മാളുവും അകത്തെ വിശാലമായ ഗസ്റ്റ് റൂമിലെ സെറ്റിയിൽപോയി ഇരുന്നു.
വിഷ്ണുവിനോട് വാ തോരാതെ ഓരോന്ന് സംസാരിച്ചു കൊണ്ട് ഇരിയ്ക്കുകയാണ് രവിഅങ്കിൾ. എല്ലാത്തിനും അവൻ മറുപടി പറയുന്നുമുണ്ട്.
അമ്മാളുവിനോട് മാത്രം അവിടെയും ആരും തന്നെ അങ്ങനെ കാര്യമായിട്ട് ഒന്നും സംസാരിച്ചില്ല.
അവർക്ക് ഇരുവർക്കും കുടിക്കുവാൻ വേണ്ടി ചായയും പലഹാരങ്ങളും ഒക്കെ മേശമേൽ നിരന്നു കഴിഞ്ഞിരുന്നു.
വേണിയുടെ അമ്മ വന്നു എല്ലാം സെറ്റ് ആക്കി വെക്കുന്നുണ്ട്..
അപ്പോളേക്കും വേണി ഇറങ്ങി വന്നത്.
മുട്ടിനു മുകളിൽ നിൽക്കുന്ന ഒരു ട്രൗസറും, ക്രോപ് ടോപ്പും ആണ് വേഷം.
ക്രോപ് ടോപിന്റെ വിടവിൽ കൂടി വ, യറിന്റെ പാ, തിയുo കാണാം..
വിഷ്ണുവിന്റെ അടുത്തേക്ക് വന്നു അവനെ കെട്ടിപിടിച്ചു കൊണ്ട് ആണ് വേണിയുടെ സംസാരം.
അമ്മാളുവിനെ ഇടയ്ക്ക് ഒന്ന് നോക്കി അവൾ പുഞ്ചിരിച്ചു..അത്രമാത്രം.
ചായ ഒക്കെ കുടിച്ച ശേഷം അഞ്ചു മണിയോടെ അവർ മൂവരും കൂടി യാത്ര പറഞ്ഞു ഇറങ്ങുകയും ചെയ്തു.
“വിഷ്ണുവേട്ടാ “
കാറിന്റെ അടുത്ത് എത്തിയതും വേണി അവനെ വിളിച്ചു.
“എന്താ വേണി “
“എനിക്ക് ബാക്ക് സീറ്റിൽ ഇരുന്നാൽ വോമിറ്റ് ചെയ്യാൻ തോന്നും,ഞാൻ കോ ഡ്രൈവിംഗ് സീറ്റിൽ ഇരുന്നോട്ടെ.”
അവളുടെ ചോദ്യം കേട്ടതും വിഷ്ണു അമ്മാളുവിന്റെ നേർക്ക് നോക്കി.
പെട്ടെന്ന് തന്നെ അമ്മാളു ബാക്ക് ഡോർ തുറന്ന് അകത്തേക്ക് കയറുകയും ചെയ്തു.
വിജയച്ചിരിയോട് കൂടി വേണി അങ്ങനെ വിഷ്ണുവിന്റെ അടുത്തേക്ക് കയറി ഗർവോടെ ഇരുന്നു.
കല് പില വർത്താനം പറഞ്ഞു കൊണ്ട് ഇരിയ്ക്കുകയാണ് വേണി.
വിഷ്ണുവേട്ടാ….എന്ന് നീട്ടി വിളിക്കുമ്പോൾ തേൻ ഒഴുകും. അത്രയ്ക്ക് കാര്യമായിരുന്നു അവൾക്ക് അവനെ എന്ന് അമ്മാളുവിന് തോന്നി.
ഒരക്ഷരം പോലും അവൾ അമ്മാളുവിനോട് ചോദിച്ചത് പോലും ഇല്ല താനും.
ഇടയ്ക്ക് ഒരു ബേക്കറി കണ്ടപ്പോൾ വേണി വണ്ടി നിറുത്താൻ ആവശ്യപ്പെട്ടു.
വിഷ്ണു ആണെങ്കിൽ റോഡിന്റെ ഓരം ചേർന്ന് ഒതുക്കി നിറുത്തികയുംചെയ്തു
“നമ്മൾക്ക് ഓരോ ഐസ് ക്രീം കഴിക്കാം.. ഇറങ്ങി വാ വിഷ്ണുവേട്ടാ….”
“എനിക്ക് വേണ്ട വേണി…. ഇപ്പോളല്ലേ ചായ ഒക്കെ കുടിച്ചത്…”
“അത് സാരമില്ലന്നേ.. ഇറങ്ങു “
“വേണ്ട വേണി… തനിയ്ക്ക് വേണമെങ്കിൽ പോയി കഴിച്ചിട്ട് വാ”
അവനു താല്പര്യം ഇല്ലെന്ന് മനസിലായതും വേണി പിന്നീട് നിർബന്ധിയ്ക്കാൻ പോയില്ല.
അവൾക്കും ഐസ് ക്രീം വേണ്ട എന്ന് പറഞ്ഞു കൊണ്ട് മുഖം വീർപ്പിച്ചു കാണിച്ചു.
അമ്മാളു….. വേണിയ്ക്ക് ഒരു കമ്പനി കൊടുക്കാമോ,?
വിഷ്ണു മുഖം തിരിച്ചു നോക്കി.
“ഞാന് ഐസ് ക്രീം ഒന്നും കഴിക്കാറില്ല ഏട്ടാ… പാലിന്റെ ടേസ്റ്റ് വരുമ്പോൾ എനിക്ക് ഓക്കാനിയ്ക്കാൻ തൊന്നും.”
അവൾ പറഞ്ഞു.
“കുഴപ്പമില്ല… ഇനി മറ്റൊരു ദിവസം ആവട്ടെ, നമ്മൾക്ക് പോകാം വിഷ്ണുവേട്ട”
വേണി പറഞ്ഞതും വിഷ്ണു വീണ്ടും വണ്ടി മുന്നോട്ട് എടുത്തു.
വീട്ടിൽ എത്തിയപ്പോൾ രാത്രി 8മണി കഴിഞ്ഞിരുന്നു.
ആദ്യം ആയിട്ട് ഇത്രയും ദൂരം വണ്ടിയിൽ… അമ്മാളു മടുത്തു ക്ഷീണിച്ചു പോയി .നാളെ ഇനി കോളേജിൽ പോകണമല്ലോ എന്നോർത്തപ്പോൾ അവൾക്ക് ക്ഷീണവും തളർച്ചയും കൂടി.
അവൾ ഒരു പ്രകാരത്തിൽ കാറിൽ നിന്നും ഇറങ്ങി.
വിഷ്ണുവും വേണിയും ചേർന്നു ഡിക്കി തുറന്നു അവളുടെ സാധങ്ങൾ ഒക്കെ എടുത്തു വെളിയിലേക്ക് വെച്ചു.
അപ്പോളേക്കും അച്ഛനും ഏട്ടനും, ഒക്കെ ഉമ്മറത്തെയ്ക്ക് വന്നു.
ആരുവും മിച്ചുവും ഇറങ്ങി വന്നു വേണിയോട് സംസാരിക്കുന്നുണ്ട്
“മാളുട്ടാ.. മടുത്തു പോയല്ലേഡാ “
മിച്ചു വന്നു ചോദിച്ചതും അമ്മാളു തല കുലുക്കി.
“മോൾക്ക് നല്ല ക്ഷീണം ഉണ്ടല്ലോ, മടുത്തോടാ “
അച്ഛനും അമ്മാളുവിനെ നോക്കി
ചോദിച്ചു.
“വല്ലാത്ത തലവേദനയാണ് അച്ഛാ, ഇത്ര ദൂരം അങ്ങനെ ഞാൻ യാത്ര ചെയ്തിട്ടും ഇല്ല… അതിന്റെയാ “
“ഹ്മ്മ്… ഒന്ന് കുളിച്ചു ഫ്രഷ് ആയി ഉറങ്ങുമ്പോൾ ഓക്കേയാകും “
സിദ്ധുവേട്ടൻ പറഞ്ഞതും അമ്മാളു തലകുലുക്കികൊണ്ട് അകത്തേക്ക് കയറി.
പ്രഭയപ്പയും ഏടത്തിയും അടുക്കളയിൽ ആയിരുന്നു.
ഇരുവരെയും ഒന്ന് മുഖം കാണിച്ച ശേഷം അവള് നേരെ റൂമിലേക്ക് പോയി.
ഡ്രെസ്സൊക്കെ മാറി ഇട്ട ശേഷം നേരെ കുളിക്കുവാനായി കയറി.
കുളിച്ചു ഇറങ്ങി വന്നപ്പോൾ വിഷ്ണു ബെഡിൽ ഇരിയ്ക്കുന്നത് കണ്ടത്..
“ഫുഡ് എന്തെങ്കിലും കഴിച്ചിട്ട് വന്നു കിടന്ന് ഉറങ്ങിക്കോ “
അവളെ കണ്ടതും വിഷ്ണു പറഞ്ഞു.
എനിക്ക് ഇനി ഒന്നും വേണ്ട… എവിടെ എങ്കിലും ഒന്ന് കിടന്നാൽ മാത്രം മതി.
“ഫ്രൂട്സ് എന്തെങ്കിലും എടുത്ത് കഴിയ്ക്ക് അമ്മാളു “
അവൻ പറയുന്നത് ഒന്നും കേൾക്കാൻ പോലും കൂട്ടക്കാതെ അമ്മാളു ബെഡിലേക്ക് കയറി ചുരുണ്ട് കൂടി കിടന്നു..
“നിനക്ക് വിഷമം ആയോ…”
മുഖവുര ഒന്നും കൂടാതെ കൊണ്ട് വിഷ്ണു ചോദിച്ചു.
“എന്തിനു “
“ഇന്ന് പോയ വീടുകളിൽ ഒക്കെ എല്ലാവരും നിന്നെ ഒഴിവാക്കി എന്ന് തോന്നിയോ “
“സ്വന്തം ഭർത്താവ് ഒഴിവാക്കുന്ന അത്രയും ഇല്ലാലോ… അതുകൊണ്ട് വിഷമമൊന്നും ആയില്ല…പിന്നെ ആകെക്കൂടി ഒരു കുറ്റബോധം മാത്രം…. ചേരേണ്ടവർ വിഷ്ണുഏട്ടനും വേണിയും ആയിരുന്നു. നിങ്ങളുടെ ഇടയിൽ ഞാൻ ഒരു അധികപ്പറ്റായിപോയി.”
പറഞ്ഞു കൊണ്ട് അവൾ കണ്ണുകൾ ഇറുക്കി അടച്ചു ചെരിഞ്ഞു കിടന്നു…
അല്പം കഴിഞ്ഞു വിഷ്ണു നോക്കിയപ്പോൾ അമ്മാളു ഉറങ്ങി കഴിഞ്ഞിരുന്നു.
അവൻ പതിയെ എഴുന്നേറ്റു വാഷ് റൂമിലേക്ക്പോയി.
തണുത്ത വെള്ളത്തിൽ നന്നായി ഒന്ന് കുളിച്ചു തോർത്തിയപ്പോൾ വല്ലാത്ത ആശ്വാസം തോന്നി.
താഴേക്ക് ഇറങ്ങി ചെന്നപ്പോൾ ഭക്ഷണം ഒക്കെ എടുത്തു അമ്മയും ഏടത്തിയും മേശമേൽ നിരത്തി വെക്കുന്നുണ്ട്.
വേണിയും പിള്ളേരും ഒക്കെ ചേർന്നു ഉറക്കെ സംസാരിക്കുന്നത് കേൾക്കാം..
അമ്മാളു എവിടെ?
മുകളിലേക്ക് നോക്കി കൊണ്ട് അമ്മ ചോദിച്ചു.
“അവള് ഉറങ്ങി “
“ങ്ങെ… ഒന്നും കഴിക്കാതെയോ…”
“ഹ്മ്മ്… വിശപ്പില്ലന്നു.. ഭയങ്കര ക്ഷീണവുo”
“ശോ…. പാവം, അവൾ ആകെ മടുത്തു പോയിരിന്നു, ഒന്നൂടെ വിളിച്ചു നോക്കിക്കേ മോനേ “
ഏടത്തി പറഞ്ഞു.
“ഞാൻ പറഞ്ഞു നോക്കിയതാ…അവൾക്ക് വേണ്ടന്ന് പറഞ്ഞു, കിടന്നു ഉറങ്ങിയത്”
അപ്പോളേക്കും എല്ലാവരും കഴിക്കാനായി വന്നു ഇരുന്നു.
അമ്മാളുവിനെ അച്ഛനും ഏട്ടനും ഒക്കെ തിരക്കുന്നത് കേട്ടപ്പോൾ വേണിയ്ക്ക് വിറഞ്ഞു കയറി.
ആരും കാണാതെ അവൾ പല്ല് ഞെരിച്ചു കൊണ്ട് ഇരുന്നു.
ഭാഗം 40
അമ്മാളുവിനെ അച്ഛനും ഏട്ടനും ഒക്കെ തിരക്കുന്നത് കേട്ടപ്പോൾ വേണിയ്ക്ക് വി. റ. ഞ്ഞു കയറി.
ആരും കാണാതെ അവൾ പല്ല് ഞെരിച്ചു കൊണ്ട് ഇരുന്നു.
“ഒരുപാട് യാത്ര ഒന്നും ചെയ്തിട്ടില്ലല്ലോന്നേ… അതാണ് ഇത്രയ്ക്ക് ക്ഷീണം…”
പ്രഭ മീരയെയും വിഷ്ണുവിനെയും നോക്കി പറഞ്ഞു.
“ഒറ്റ ദിവസം കൊണ്ട് ആള് പകുതിയായി പോയ പോലെ അല്ലേ അമ്മേ…..”
മീരയും പറയുകയാണ്.
ഇത്ര മാത്രം എല്ലാവർക്കും ഇവളോട് സ്നേഹം തോന്നാനും മാത്രം എന്താണ് കാര്യം. ഓർത്തു കൊണ്ട് ഇരുന്നു വേണി ഭക്ഷണം കഴിച്ചു.
വിഷ്ണു തിരികെ റൂമിലേക്ക് വന്നപ്പോൾ അമ്മാളു സുഖമായി ഉറങ്ങുകയാണ്.
ഇനി പനിയോ മറ്റൊ ഉണ്ടോ ആവോ…
അവൻ തന്റെ കൈപ്പത്തി എടുത്തു അമ്മാളുവിന്റെ നെറ്റിമേൽ വെച്ചു നോക്കി.
ഹേയ്… കുഴപ്പമൊന്നും ഇല്ല,,യാത്രക്ഷീണം കൊണ്ട് ആവും..
അമ്മാളുവിന്റെ അരികിലായ് വിഷ്ണുവും വന്നു കിടന്നു.
“സ്വന്തം ഭർത്താവ് ഒഴിവാക്കുന്ന അത്രയും ഇല്ലാലോ… അതുകൊണ്ട് വിഷമമൊന്നും ആയില്ല…പിന്നെ ആകെക്കൂടി ഒരു കുറ്റബോധം മാത്രം…. ചേരേണ്ടവർ വിഷ്ണുഏട്ടനും വേണിയും ആയിരുന്നു. നിങ്ങളുടെ ഇടയിൽ ഞാൻ ഒരു അധികപ്പറ്റായിപോയി.”
അല്പം മുന്നേ അമ്മാളു പറഞ്ഞ വാചകം..
അവൾക്ക് ഒരുപാട് സങ്കടം തോന്നി എന്ന് അവനു മനസിലായി.
അതാണ് ഇങ്ങനെ ഒക്കെ പറഞ്ഞത്.
ഷീലാമ്മയുടെ വീട്ടിൽ ചെന്നപ്പോൾ, അവരെല്ലാവരും ചേർന്ന് തന്നെ കെട്ടിപിടിച്ചു സ്നേഹന്വേഷണം നടത്തുന്നത് ഒക്കെ കണ്ടപ്പോൾ മാറി പോയി ഒരു വശത്തു ഒതുങ്ങി കൂടുകയാണ് ചെയ്തത്.
അവരുടെ ഒക്കെ മാന്നേഴ്സ് ഇല്ലാത്ത രീതിയിൽ ഉള്ള സംസാരമോ..
എന്തൊക്കെയാണോ വിളിച്ചു കൂവിയത്..
എത്രയും പെട്ടന്ന് അമ്മാളുവിനെയും കൂട്ടി മടങ്ങാം എന്ന് തീരുമാനിച്ചു കൊണ്ട് നിന്നപ്പോൾ അടുത്ത കുരിശു വിളിച്ചത്.
എല്ലാം കൂടി ഓർത്തപ്പോൾ വിഷ്ണുവിന് ദേഷ്യം വന്നിട്ട് വി. റ. ഞ്ഞു കയറി.
പെട്ടന്ന് ആയിരുന്നു അമ്മാളു ഒന്ന് ഞരങ്ങുന്നത് പോലെ കണ്ടത്.
ഉറക്കത്തിൽ എന്തോ സ്വപ്നം കണ്ടിട്ട് ആയിരുന്നു.
“അമ്മാളു….. ടി…. എന്താ പറ്റിയെ..”
ചോദിച്ചു കൊണ്ട് അവൻ ചെരിഞ്ഞു കിടന്ന് ഉറങ്ങുന്ന അമ്മാളുവിന്റെ തോളിൽ തട്ടി വിളിച്ചു.
ഹ്മ്മ്…ഒന്നുല്ല . സ്വപ്നം കണ്ടതാ..
കണ്ണു തുറക്കാതെ തന്നെ പറഞ്ഞു കൊണ്ട് അവൾ അവനോട് ചേർന്നു കിടന്നു. എന്നിട്ട് തന്റെ വലത് കൈ എടുത്തു വിഷ്ണുന്റെ വയറിലൂടെ ചുറ്റി പിടിച്ചു.
രാവിലെ ആദ്യം ഉണർന്നത് അന്നും അമ്മാളു ആയിരുന്നു.
വിഷ്ണുവിനെ കെട്ടി പിടിച്ചു ആയിരുന്നു പെണ്ണിന്റെ കിടപ്പ്..വലത് കാലും കയ്യും അവന്റെ ദ്ദേഹത്ത് ആണ്.
അയ്യേ….
പിടഞ്ഞു കൊണ്ട് അവൾ ചാടി എഴുന്നേറ്റു.
ചെ… നാണക്കേട് ആയല്ലോ.. താൻ ഇങ്ങനെ ആണോ കിടന്നത്. വിഷ്ണുവേട്ടൻ എന്ത് വിചാരിച്ചു കാണും.
മുടി മുഴുവൻ വാരിക്കെട്ടി ഉച്ചിയിലേക്ക് ഉറപ്പിച്ചു കൊണ്ട് അവൾ വിഷ്ണുവിനെ നോക്കി.
“ന്റ കൃഷ്ണാ…. എന്തൊരു കഷ്ടം ആയി പോയി…ചെ “
അമ്മാളുവിനു ആകെ പരവേശം പോലെ ആയി.
വിഷ്ണുവേട്ടൻ ഉണരും മുന്നേ എഴുന്നേറ്റു പോകാം….അവൾ പെട്ടെന്ന് തന്നെ ബെഡിന്റെ ഇങ്ങേ തലയ്ക്കലൂടെ ഊർന്ന് ഇറങ്ങി.. എന്നിട്ട് വേഗം തന്നെ വാഷ് റൂമിലേക്ക് പോയി…
കുളിച്ചു ഫ്രഷ് ആയി ഇറങ്ങി വന്നപ്പോൾ കണ്ടു ബെഡിൽ എഴുന്നേറ്റു ഇരിക്കുന്നവനെ..
അമ്മാളു അവനെ ഒന്ന് നോക്കുക പോലും ചെയ്യാതെ ഡ്രസിങ് റൂമിലേക്ക് പോയി..
ഒരു നുള്ള് സിന്ദൂരം എടുത്തു നെറുകയിൽ ഇട്ട ശേഷം, പെട്ടെന്ന് തന്നെ റൂമിൽ നിന്നും ഇറങ്ങി പോയിരുന്നു.
മീരേടത്തിയും അമ്മയും പതിവ് പോലെ അടുക്കള ജോലികളിൽ ആണ്..
ഗുഡ്മോർണിംഗ്..
അമ്മാളുവിന്റെ ശബ്ദം കേട്ടതും ഇരുവരും തിരിഞ്ഞു നോക്കി.
“ആഹ്… ചുന്ദരികുട്ടിടേ ക്ഷീണം ഒക്കെ മാറിയോ… “
മീര വാത്സല്യത്തോടെ ചോദിച്ചു.
“ഹ്മ്മ്… ഓക്കേ ആയി ഏടത്തിയമ്മേ….ഇന്നലെ മടുത്തു അവശത ആയി പോയി… കിടന്ന് ഒരൊറ്റ ഉറക്കം ആയിരുന്നു “
“നന്നായിട്ട് ഒന്ന് കിടന്ന് ഉറങ്ങി കഴിഞ്ഞാൽ തന്നെ പകുതി ക്ഷീണം മാറും, വിഷ്ണുട്ടൻ ഉണർന്നോ മോളെ ,”
“ഹ്മ്മ്… എഴുന്നേറ്റു,എനിക്ക് വല്ലാതെ വിശക്കുന്നു.. എന്തെങ്കിലും കഴിയ്ക്കാൻ തായോ….”
വയറും തിരുമ്മി കൊണ്ട് ഉറക്കെ പറയുന്നവളെ നോക്കി മീര ചിരിച്ചു.
കാലത്തെ ഇടിയപ്പം ആയിരുന്നു.
ഒരു തട്ട് ഉണ്ടാക്കി എടുത്തു ഹോട് ബോക്സിൽ വെച്ചിട്ടുണ്ട്.
അതിൽ നിന്നും രണ്ടു എണ്ണം എടുത്തു, അല്പം പഞ്ചസാരയും കൂടി ഇട്ട് പ്രഭ അവൾക്ക് കൊടുത്തു. ഒപ്പം ഒരു ഗ്ലാസ് ചായയും.
ആരോടും ഒരക്ഷരം പോലും പറയാതെ കൊണ്ട് അമ്മാളു ആണെങ്കിൽ പെട്ടെന്ന് തന്നെ അതെല്ലാം കഴിച്ചു തീർത്തു.
“ഇനിയും വേണോ മോളെ….”
“മ്മ്.. രണ്ടെണ്ണം കൂടി…. വിശപ്പ് മാറുന്നില്ലപ്പെ….”
അവളുടെ പറച്ചില് കേട്ടതും പ്രഭ ചിരിച്ചു കൊണ്ട് രണ്ടു മൂന്നു ഇടിയപ്പം കൂടി എടുത്തു കൊടുത്തു.
അതും കൂടി കഴിച്ചു കഴുഞ്ഞണ് അമ്മാളുവിന് ആശ്വാസം ആയത്.
“ഇന്നലെ രാത്രിയില് ഒന്നും കഴിക്കാതെ കിടന്നിട്ട് അല്ലേ…. വിഷ്ണുട്ടൻ വിളിച്ചത് അല്ലായിരുന്നോ മോളെ….”
പ്രഭ വന്നു അവളുടെ അരികിലായ് ഒരു കസേര ഇട്ട് അതിൽ ഇരുന്നു.
“കണ്ണ് പോലും തുറക്കാൻ മേലാത്ത വിധം ക്ഷീണം ആയിരുന്നു അപ്പേ, തല ഒക്കെ വെട്ടിപിളർന്നു പോകുവായിരുന്നു, ഒരു പ്രകാരത്തിൽ ആണ് ഇവിടെ എത്തിപ്പെട്ടത് “
“ആഹ് പോട്ടെ, സാരമില്ല…അതിരിക്കട്ടെ, അവിടെ ചെന്നിട്ട് എങ്ങനെ ഉണ്ടായിരുന്നു മോളെ… ഷീലാമ്മ ഒക്കെ കാര്യം ആയിരുന്നോ “?
“ഓഹ്… ഇല്ലന്നേ, രണ്ടാളും കൂടി എന്തൊക്കെയോ പറയുന്നുണ്ടായിരുന്നു”..
“രണ്ടാളോ.. അതാരാ…”
“ജാനകിയമ്മയും വന്നിരിന്നു..”
“എന്നിട്ടോ മോളെ…”
“ജാതക ദോഷം കാരണം ആണ് എനിക്ക് ഈ തറവാട്ടിലെ മരുമകൾ ആവാൻ പറ്റിയത് എന്നും ഇല്ലെങ്കിൽ വേണിയെ മാത്രമേ വിഷ്ണുവേട്ടൻ വിവാഹ കഴിയ്ക്കുവൊള്ളായിരുന്നു എന്നും, ഒരുപാട് നല്ല കുടുബത്തിലെ ആലോചന വന്നത് ആയിരുന്നു എന്നും….അങ്ങനെ അങ്ങ് തുടങ്ങി……”
പ്രഭയും മീരയും അവളുടെ പറച്ചില് കേട്ട് കൊണ്ട് അരികിൽ നിൽപ്പുണ്ട്..
രണ്ടാൾക്കും നല്ല ദേഷ്യം ആയിരുന്നു.
“വിഷ്ണു കേട്ടില്ലേ ഇതൊന്നും…”
“ഇല്ലപ്പേ… ഏട്ടൻ പുറത്ത് എവിടെയോ ആയിരുന്നു..”
“ഹ്മ്മ്… ഞാനൊന്നു അച്ഛനോട് പറയട്ടെ.. വിരുന്നിനു വിളിച്ചു വരുത്തിയിട്ട് ഇതുപോലെ വേണ്ടാത്ത വർത്താനം പറയുന്നോ…”
“അപ്പ ഇനി ഇതൊന്നും ആരോടും പറയാൻ നിൽക്കേണ്ട…ഞാൻ ഇനി അങ്ങോട്ട് പോകുന്നു പോലും ഇല്ലല്ലോ..”
“എന്നാലും ഇത് അങ്ങനെ വിടാൻ പറ്റില്ല മോളെ…. ജാനകി ചേച്ചിയ്ക്ക് എന്തും പറയാമെന്നുള്ള അഹങ്കാരം ആണ്. ഇത് ഇപ്പൊ തന്നെ തീർത്തില്ലെങ്കിൽ ഇനിയും ഇതുപോലെ ഒക്കെ വിളിച്ചു പറയും “
പ്രഭയ്ക്ക് ദേഷ്യം വന്നു.
“അമ്മ ചെന്നിട്ട് അച്ഛനെ കൊണ്ട് അവരെ വിളിപ്പിയ്ക്ക്….എന്നിട്ട് നാല് വർത്താനം പറയിക്കു, അങ്ങനെ വിട്ടാലും പറ്റില്ലല്ലോ..”
മീരയും അമ്മയെ പിന്തുണച്ചു.
“യ്യോ… ഇവരെ കൊണ്ട്… ദേ, ആരും ഒന്നും പറയണ്ട…. അവർക്ക് ഒക്കെ ഉള്ള മറുപടി കൊടുത്തിട്ട് ആണ് ഞാൻ വന്നത്… ഇനി ഇവിടെ നിന്നും ആരും ചീ. ത്ത വിളിക്കേണ്ട കേട്ടോ…”
പറഞ്ഞു കൊണ്ട് അമ്മാളു വാതിൽക്കൽ എത്തിയതും കണ്ടു എല്ലാം കേട്ട് കൊണ്ട് നിൽക്കുന്ന വിഷ്ണുവിനെ.
അമ്മാളു ഒരക്ഷരം പോലും പറഞ്ഞില്ല എന്നുള്ളത് അവനു വ്യക്തമായി അറിയാമായിരുന്നു. അവനെ കണ്ടതും അമ്മാളു ഒന്ന് ഇളിച്ചു കാണിച്ചു.
എന്നിട്ട് വേഗം ഓടി മുകളിലെ മുറിയിലേയ്ക്ക് പോയി.
തുടരും….